Ӱдыр але эрге-влак шукырак шочыныт?

Кузе цифр ончыкта, эрге-влак шукырак шочыныт чылаже – 86, ўдыр-влак – 80. 53 йоча ешыште кокымшо икшыве, икымше йоча 40 ешыште шочын, 46 ешыште кумшо да моло икшыве-влак шочыныт. 13 ньога шуко икшыван ешлаште шочын, тыште визыт але утларак йочам ончен кугемдат.

Коронавирус йӧратымашлан лӱдыкшє огыл

Калтаса районышто 9 тылзе жапыште 37 у еш шочын.

Шарлыше пандемий мемнан илышыш ятыр вашталтышым пуртен. Ешым чумырымо шотыштат вашталтыш-влак улыт. Туге гынат, пандемий жапыштат ешым чумырат. Кузе ЗАГС пӧлка вуйлатыше И.В. Валеева палемдыш, тыште икмыняр кышкар (ограничений) уло. Пайрем церемоний унамыт деч посна эрта, тыште оръеҥмыт, нунын ача-авашт, тыгак фотограф ден видеооператор гына участвоватлен кертыт. А ЗАГС пашаеҥ-влак пайрем чынжымак шарнаш кодшо лийже манын, чыла ышташ тыршат.

Конешне, сӱаным тӱҥ шотышто кеҥежым эртараш тыршат. 9 тылзе жапыште 37 у еш шочын.

Еш кыл-влак пеҥгыдырак лийыныт мо?

Тений районышто еш-влак шагалрак шаланеныт. Индеш тылзе жапыште 39 еш шаланен, кодший тыгаяк жапыште – 44.

13 еш пырля 5 ий илен, 12 мужыр 5 гыч 10 ий пырля илымеке шаланен. 8 еш 10 гыч 15 ий иленыт, кок еш 15 гыч 20 ий пырля илымеке, ойырлен. Ныл мужыр 20 ий утла илымеке, шаланен.

Шагалемына

Индеш тылзе жапыште район калык 301 еҥлан шагалемын.

Кодший тыгаяк жапыште 280 еҥ илыш дене чеверласен ыле. 174 пєръеҥ да 127 ӱдырамаш ош тӱням коден каеныт.

С. Аркадьева.