Здравоохранений

Тиде арнян мемнан районышто «Здоровая республика – здоровый регион» акций почеш медик-влак бригаде пашам ышташ тӱҥалеш.

Акций эртыме жапыште передвижной рӱдер ден ФАП, флюорограф ден маммограф-влак, Г.Г. Куватов лӱмеш республикысе клинический эмлымверын диагностический рӱдерже, республикысе стоматологический поликлиникын модульжо тыгай график почеш калыкым приниматлаш тӱҥалыт: 20 октябрьыште Кугу Агытаныште, 21 октябрьыште Ӱлыл Качмашыште, 22 октябрьыште Кӧтерем селаште. Теҥгече тиде бригаде Киябак ялыште пашам ыштен.

Увертарена, приемым черет почеш намият, врач деке ончылгоч сералташ огеш кӱл. Эн тӱҥжӧ – маскым чияш ида мондо да социальный дистанцийым шотыш налза.