Военный службылан йӧра

Тений шыжымсе призыв 1 октябрьыште тўҥалын да декабрь мучаш марте шуйна. Калтаса район гыч рвезе-влак рушарнян, 18 октябрьыште каеныт. Туге гынат срочный военный службыш кайыме деч призывной комиссий, а тушкыжо верысе орган, образований пӧлка, правам аралыше орган, занятость рўдер, медицине да военный комиссариат гыч еҥ-влак пуреныт, самырык еҥ-влак дене кутырен. Тыште врач-влакын текшырымышт деч вара нунылан результатыштым каласеныт – кӧ служитлан йӧршӧ улеш, а кӧ – уке, кӧлан отсрочкым пуат, а кӧлан – повесткым.

Призывной комиссийын пашаже тыгай лийын: призывник-влакым протокол почеш саламлымаш, а умбакыже мутланымаш. Комиссийыш пурышо еҥ-влак рвезе-влак деч нунын специальностьыштым да кушто служитлаш тыланымашыштым йодыныт. Образований, еш положений, тыгак тазалык – войскам ойырымо годым чыла тидым комиссий шотыш налын. Ик мут дене каласаш гын, рвезе-влакым кушто служитлаш тыланымашыштым колыштыныт. Мутланымашке ўжмӧ рвезе-влак коклаште служитлаш каяш шоныдымо-влакат лийыныт. Нунылан армийыште служитлыме ий – арамлан йомдарыме жап. Туге гынат, шке шочмо эллан порысым пуымаш – тиде кугешнымаш. Шукышт умыла, ты ийын военный билетым налаш лиеш. А вет тудо кажне рвезылан моткоч кўлешан документ.

Комиссий ончылно рапортым пуышо икымше призывник раш да пеҥгыдын каласен: «Служитлаш каем». Тиде Арсентьев Геннадий, Актыган ялыште шочын. Актыган тичмаш огыл кыдалаш школышто 9 классым тунем пытарыме деч вара Нефтекамскысе шуко профилян колледжыш тунемаш пурен да сварщикын специальностьшым налын. Вара ты олаштак шке профессийже дене «Моноплан» ООО-што пашам ышташ тўҥалын. Спортым йӧратыше, таза кап-кылан, чатката ончыкылык салтак. Арамлан огыл тудым «А» категорийыш ойыреныт. Тугеже, военный службылан ямде улеш. Тудым кеч-могай войскаш служитлаш колтен кертыт, тидын годым элитныйыш.

– Армий деч молан куржталаш, – ойла мыланна Геннадий. – Мыланем гын, армийыште служитлаш – кугу чап. Служитлаш йӧршӧ улам, тугеже шке шочмо эл ончылно шке порысем пуэм.

Призывник деч тыгай мут-влакым колаш могай куанле. Тыгай рвезе-влак дене кугешнаш веле кодеш. Нунылан сай служитлаш да мӧҥгышкышт таза-эсен пӧртылаш тыланена.

О. Айгильдина.