Йочасадыште шӧртньӧ шыже

Поро йўла почеш, октябрь тылзын, мемнан йочасадыште шыже пайрем эртаралтеш. Мемнан «Сказка» йочасадыштынат кокла группыш коштшо икшыве-влаклан музыкаль вуйлатыше Л.А. Бережнован планже почеш шыже пайремым эртарышна. А тудыжо «Осенние дорожки» манылтын. Тудо икшыве-влакым шыже жап, тудын тўсшӧ, вашталтмыже дене палыме ышташ, йоча-шамычын кумылжым нӧлталаш манын эртаралтеш.

Икшыве-влак ты пайремым моткоч вученыт: почеламутым, шыже нерген мурым, куштымашым тунемыныт. Тыгак шке ача-аваштым вученыт. Чаманен каласаш логалеш, кызыт пўтынь элыште коронавирус пандемий шарлымылан кӧра, ача ден ава-влакым пайремыш ўжын огытыл. Туге гынат, икшыве-влак тугаяк весела, чолга да куаныше лийыныт.

Пайремыш шыжымсе чодыра гыч йомакысе герой-влак толыныт: чевер Шыже, Ур да Мераҥ. А Шыже ўдыр ден эрге-влакым шке корныж дене наҥгаен, тушто нуно мемнан пайремнан геройжо-влак дене вашлиялтыныт. А герой-влак тўрлӧ модмашым ямдыленыт. Икшыве-влаклан пайрем келшен.

Мучаште Шыже икшыве-влакым тамле пӧлек дене сийлен.

Н. Якупова, «Сказка» йочасадын воспитательже.