Общественный тергымаш

Тыште 100 тунемше кочкеш. Льготный категорийышке пурыдымо тунемше кечеш 55 теҥгелан, а тӱҥалтыш классыште ден шуко икшыван ешла гыч тунемше-влак тугок кочкыт.

Кочкыш икшыве-шамычлан келша. «Чыла сай, шӧран каша ден макароным пеш тамлын ямдылат», – каласышт мыланна йоча-влак.

Ӱстелыште кочкыш мотор да тутло коеш. Йоча-шамыч кумылын кешыр, ковышта гыч салатым, винегретым, борщым кочкыт. Тыште тыгак напитке-влакымат: свежа фрукт да сухофрукт гыч компотым, кисельым, какаом, чайым – ямдылат.

Продуктым жапыштыже кондат, нуным чын аралат, кочмыверыште ару, пашаеҥ-влак спецвургемым чиеныт. Чыла оборудований тӱз. Кочмо шотышто ача-ава-влак деч вуйшиймаш-влак пурен огытыл.

Школысо повар-влак Антонова Ирина ден Галиуллина Альбина шке пашаштым йӧратат. Кажне кечын, йоча-влак кумыл шуын кочкышт манын, чыла ышташ, тамлын кочкаш шолташ тыршат.

Тыгак бракиражный журнал намиялтеш. Комиссий, тушко школын завучшо Султанаева Елена, Киябак ФАП-ын фельдшерже Шамкаева Динара, школын прфушем вуйлатышыже Николаева Наталья, ача-ава комитетын членже Егорова Анфиса пурат, кажне кечын кочкышын качествым тергат.

Рейдыште тыгак район Советын депутатше Светлана Хамидуллина, школын ача-ава комитетын членже Шамсутдинова Жанна, «Единая Россия» партийын верысе пӧлкажын исполнительный секретарьже, ӱдырамаш-влак ушемын вуйлатышыже Максимова Зоя да школ директор Исламова Анжела участвоватленыт.

З. Максимова.