Калтаса ужара
+18 °С
Пылан
Все новости
Новости
23 Шыжа 2020, 18:25

Писе Танып эҥерлан – ару серым

2020 ий 8 гыч 16 октябрьыште Башкортостан Республике Калтаса район муниципаль район территорийыште «Ару Танып» регион-влак кокласе экологический акций эртен. Мероприятий «Российын вўдшӧ» общероссийский акций почеш, изи эҥер, пўя да ер-влакын серыштым эрыкташ манын эртаралтеш.

2020 ий 8 гыч 16 октябрьыште Башкортостан Республике Калтаса район муниципаль район территорийыште «Ару Танып» регион-влак кокласе экологический акций эртен. Мероприятий «Российын вўдшӧ» общероссийский акций почеш, изи эҥер, пўя да ер-влакын серыштым эрыкташ манын эртаралтеш.
Ты проектым Башкортостан Республикын природопользований да экологий министерстве ыштен.
Проект Башкортостан Республикын йўдвел зонын территорийыштыже эртаралтеш: Татышле, Балтач, Бурай, Калтаса, Краснокам район-влак да Пермь кундемын Ординский да Чернушинский районжо-влакат участвоватлат.
Мемнан районлан эстафетым пошкудо Бурай район пуэн лийын, вара оргкомитет тудым Краснокам районлан кучыктен. Эстафетым пуымо годым акцийыш ушнышо-влаклан проектын авторжо, БР Минэкологийын Нефтекамскысе территориаль комитетын вўдышӧ специалист-экспертше Сафин Рифат Хатипович кугу таум каласен.
Калтаса район чекыште Писе Танып эҥер кум ялсоветын территорийже гоч йоген эрта. Тыште ялсовет, здравоохранений, культура, образований да район администрацийын пашаеҥже-влак деч шогышо кум экологический тўшка участвоватлен.
Акций чыла ялсоветлаште эртен, пырля чумырген памаш-влак территорийым тўзатеныт, пўя ден эҥер сер-влакым эрыктеныт.
Эрыктыме эҥер сер 14 км шуйнен, чылаже 23 кубометр шўкшакым погымо.
А. Садрисламова.