Ак кушкеш

Российыште тений шыжым ак кушмо нерген эксперт-влак каласкаленыт.

Нуно кинде, олма, пареҥге, нӧшмӱй, кол, мороженный шергештын маныт. Кол ден мӧртньылан ак кызытак кушкын.

Тыгак Мӱндыр Эрвел гыч кондымо йошкар кол ден мӧртньӧ шергырак лийыт.

2019 ийыште шурно лектыш изирак лиймылан да шагал шапашлымылан кӧра киндылан да ложаш дене ыштыше сатулан ак 6,5-7 %-лан кушкеш. Лум деч посна эртыше телылан кӧра Сибирьыште, Уралыште, Алтайыште, Ставропольышто пасу-влак чараҥыныт. Шошым 85 % олмапу кылмен. Сандене пакчасаска ден фрукт 20 процентлан шергештын.