Башкирийыште МФЦ офисыш ончылгоч возалтме деч вара гына документ-влакым налыт

Шуматкечын, 26 октябрь гыч, Башкирийыште МФЦ офисыш документ-влакым ончылгоч сералтме деч вара налаш тўҥалыт, увертара РГАУ.

Тыге у коронавирус инфекцийым шараш огыл манын ыштат. 7 (347) 246-55-33, +7-927-333-31-00 номер-влак дене йыҥгыртен, сайтыште онлайн-консультант, «Мои документы» мобиль приложений, кугыжаныш услуга портал гоч сералташ лиеш.

Ямде документ-влакым черет дене пуаш тўҥалыт. Толшо еҥ-влак маске да перчатке дене лийшаш улыт. Офисыш палемдыме жап деч пел шагат ончыч толшаш улыт.

Ресепшеныште личностьым пеҥгыдемдыме документым, ончылгоч возалтме годым пуымо пин-кодым ончыктыман.

«Башинформ» ИА.