«Транснефть–Урал» АО Ош Виче эҥер гоч вӱд йымалне эртыше продуктопроводым реконструироватлен

«Транснефть–Урал» АО Башкортостан Республикын Благовещенский районыштыжо Ош Виче эҥер гоч Уфа-Камбарка магистраль нефтепродуктопроводым реконструироватлен.

Ты паша 2019 ий январь гыч предприятийын техперевооружений да реконструкций программе почеш эртен.

Реконструироватлыме годым 6,3 тӱжем метр уштыш пучкорно участкым олмыктымо.

Эҥерын кок серыштыже вӱд йымалне кайыше пучкорным траншейыште чара кодымо йӧн дене вашталтеныт, а вӱд йымалне – шупшыныт. А Тугай – Новые Турбаслы автокорно гоч ыштыме годым полотном локтылде да транспорт коштмо толкыным чарыде, горизонтально колтен пролен чоҥеныт.

Тыгак электросетевой озанлыкым ужашын-ужашын вашталтеныт.

Пашам шуктымо годым промышленный безопасность да паша охранын чыла йодмашыжым шуктымо. Тыгак коронавирус инфекций ынже шарле манын, чыла кӱлшӧ мерым шуктымо, пашаеҥ-влак посна аралалтме средства-влак дене пайдаланеныт. Пашам шуктымо годым нефтеперебатыватлыше завод деч нефтепродукт-влакым колтымо сомылым чарыме лийын огыл.

Чыла пашам жапыштыже шуктымо, магистраль продуктопровод штатный режимыште ыштен, нефтепродуктым график почеш да тичмашнек колталтын.