Физик-влак нерген

Школым почмо деч вара школ директор да физикым туныктышо Аликов Анатолий Аблекович лийын. Тудо шке шочмо школжым нӧлтымашке мыняр вийжым пыштен. Физика, химий, биологий, географий кабинет-влакын материальный базыштым тичмашнек да моштен ыштен. Кабинет-влакым вераҥдымашке вашталтышым пуртен. 40 ий эртымекат, предмет-влак дене лабораторный паша да практикум-влак саде прибор да оборудований дене, а нуныштым ту жапыште эше школлан налме да кондымо, пашам ыштат. Анатолий Аблекович пелен чапле физик Гильмалетдинов Ирек Саитханович ден Насибуллин Валерий Салихович пашам ыштеныт. Варажым Ирек Саитханович школым вуйлаташ тўҥалын, тыгак кужу жап 2 №-ан Краснохолмский кыдалаш школын директоржо лийын.

Валерий Салихович эре чулым, тале лийын, таҥасымашлаште да походлаште участвоватлен. Тунемше-влакат нунын кажныштым порын шарнат.

Школ кушкын да вияҥын, тунемше-влакат ятыр лийыныт, кок смена дене пашам ыштеныт. Школ ешыш физика ден информатикым туныктышо Тимирьянова Юлия Николаевнам налыныт. Таче тиде методически уста туныктышо улеш. Тудын урокшо-влак чын чоҥалтыныт. Арамлан огыл икшыве-влак физикым тўҥ предмет семын ойырен налыт да кўшыл тунемме заведенийлашке тунемаш пурат.

Самырык туныктышо пелен уста педагог Долгов Владимир Яковлевич пашам ыштен. Тудо тыршышан, шке паша результатшым ужын моштышан лийын. Владимир Яковлевичын урокшо-влак оҥайын да пайдалын эртеныт. Сулен налме канышыште улеш гынат, тунемше-влакым вступительный экзаментлан ямдыла.

Илыш ик верыште ок шого. Сандене школланат информатика предмет кўлеш лийын. Тудым Мельников Николай Иванович туныкташ тўҥалын. Тудо икымше информатика кабинетым почын да организоватлен. Сулен налме канышыш кайымыж деч вара школышто шахмат дене внеурочный пашам намиен.

Жап эртен. Коллективыш самырык туныктышо Сиразев Роберт Зайкатович ден Гайнцева Гузель Рубиновна толыныт.

Роберт Зайкатовичын чыла пашажым шотленат пытараш ок лий. Тудо школын общественный илышыштыже чолган участвоватлен. Районысо моло школ-влаклат информатизаций сферыште технический полышым ончыктен.

Гайнцева Гузель Рубиновна. Физика ден информатикым туныкта. Мемнан школын выпускницаже, шке наставникше-влакын корнышт дене кая.

40 ий жапыште школышто шуко вашталтын. Тиде у мебель, предмет, вес тунемше-влак. Шинчымашым пуымо паша гына ок вашталт. Тыгак туныктышо-влак коллектив тугак уым шымлаш, у кўкшытлашке шуаш тырша.

3 №-ан Краснохолмский КШ-ын коллективше.