Образований

Российыште илыше калык нерген шинчымашдам этнографий диктантыште тергын кертыда.

3 ноябрьыште «Большой этнографический диктант» Тӱнямбал акций тӱҥалеш да вес арня мучаш марте шуйна. Тиде акций визымше ий эрта. Тудым Удмуртийыште шонен луктыныт. Ынде тиде диктантым уло тӱня воза. Теат тудын участникше лийын да сертификатым налын кертыда. Тидлан мом ышташ кӱлеш? Этнографий шотышто шке шинчымашдам тергынеда гын, тыланда лач компьютер але телефон гына кӱлеш. Кажне кечын (3 гыч 8 ноябрь марте), www.miretno.ru сайтыш пурен «Пройти диктант» кнопкым темдалын, контакт данныйым серен, 30 йодышлан вашештен, варажым участникын сертификатшым налын кертыда.

Тестым эрташ 45 минут пуалтеш, чыла заданийым шуктымылан эн кугу балл – 100.

Тӱнямбал акцийын участникше лий да шке шинчымашедым терге.

О. Айгильдина.