Библиотеке паша

Сылвий ял библиотеке «Поро книга шагатышке» лудшо-влакым ӱжын

Шыже каникулын ик кечыштыже Сылвий ял библиотекыште «Поро книга шагат» литератур модыш эртен.

Библиотекарь В.М. Аптиева самырык лудшо-влакым В.А. Осееван «Волшебное слово», А.П. Гайдарын «Тимур и его команда», В. Катаевын «Цветик – Семицветик» произведенийышт дене палдарен. Нине произведенийлаште лач порылык нерген ойлалтеш.

«Порылык корно» модмаште участвоватлышыла, йоча-шамыч туштым туштеныт, калыкмутым погеныт, литератур герой-влакым паленыт. А эше ӱдыр ден эрге-влак могай поро пашам ыштымышт, коча-коваштлан полшымышт нерген каласкаленыт.

С. Аркадьева.