Полиций да икшыве-влак

2020 ий 27 гыч 30 октябрь марте Калтаса район территорийыште «Полиций да икшыве-влак» кугу профилактика акций эртен. Ты акций ийготыш шудымо икшыве-влак коклаште криминогенный чолгалыкым ўлышемдаш, осал паша деч икшыве-влак аралаш, ийготыш шудымо икшыве-влаклым осал да антиобщественный пашаш ушымо факт-влакым пален налаш да кораҥдаш манын эртаралтеш.

Чаманен каласаш логалеш, ты годсо илышыште ийготыш шудымо икшыве-влакын осал пашам ыштыме темым ме чўчкыдырак тарватена. Мемнан районышто тений 9 тылзылан ийготыш шудымо икшывын 1 осал пашам ыштымыжым регистрироватлыме.

2020 ий 17 майыште Калмаш ял гыч ийготыш шудымо ўдыр права деч посна автомобильым авалтен налын. Ты осал пашам ыштымыжлан тудым РФ УК-ын 166 статьяжын 1-ше ужаш дене келшышын, 7 тылзылан эрык деч посна коденыт.

Тений общественно-лўдыкшӧ пашам ыштымылан парвам пудыртышо ийготыш шудымо икшыве-влаклан ик жаплан петырыме рўдерыш 4 икшывым 30 кечылан вераҥденыт.

2020 ийын правам пудыртышо 13 ийготыш шудымо икшывым учетыш шогалтыме. Учетышто чылаже 16 икшыве шога.

Икшывым воспитатлыме шотышто шке пашаштым айда-лийже манын шуктышо 15 ача-авам учетыш шогалтыме. Чылаже учетышто 57 ача-ава шога.

Калтаса район полицийыш правам пудыртышо ийготыш шудымо 18 икшывым кондымо, тидын годым Калтаса ялсовет гыч – 13, Краснохолмский ялсовет гыч – 2, Савакмарий ялсовет гыч – 2, Келтей ялсовет гыч – 1. Илыме вер гыч лектын кайыме 7 фактым регистрироватлыме, тышеч: Калтаса ялсовет гыч – 5, Келтей ялсовет гыч – 2. Ийготыш шудымо икшыве-влакым кычал муымо да законный представитель-влаклан пӧртылтымӧ.

Нигӧлан секрет огыл, подросток-влакат шкештат иктаж-могай эҥгекыш логал кертыт. Нуным чот кырыме факт-влакат улыт. Полицийын пашаеҥже-влак ты шотышто профилактика пашам намият. Район адимнистрацийын пунчалже почеш, профилактике орган дене пырля рейд-влакым эртарат, учетышто шогышо еҥ-влакын илыме верышкышт пуралт лектыт.

Районышто илыше пагалыме калык, икшыве-влакым кырыме, нунын уремыште шала коштмо, осал пашам ыштымашке ушымо факт-влакым паледа гын, 8 (34779) 4-25-81 (дежурный часть) але 8(347) 279-32-92 (БР МВД-ын ўшан телефонжо) номер-влак дене йыҥгырташ йодына.

Л. Галеева, Россий МВД-ын Калтаса районысо пєлкажын ГДН-ын инспекторжо, полицийын майоржо.