Валеологий методушем

Психологический полышым ончыктымаш да тунемме пашаште мемнан тўҥ пашана – тунемшын койыш-шоктышыжым тӧрлатымаш. А службын тўҥ задачыже – икшыве-влак школышто тунемышт, туныктышо-влак пашам ыштышт, а ача-ава-влак тунемме пашаште участвоватлышт да полшышт манын, тыршымаш.

Мемнан школышто социально-психолого-логопедический служба Валеологийын методушемже улеш. Тушко тыгай специалист-влак пурат: педагог-психолог, туныктышо-логопед, социаль педагог, медшўжар. Ты ушем эше самырык, туге гынат шкенжын йўлаже да кугу опытшо уло.

3 №-ан Краснохолмский кыдалаш школышто логопедий областьыште Валеологий ушемлан Захарова Юлия Витальевна, Матвеева Снежана Робиковна, Валеева Гузель Фларидовна тўҥалтышым пыштеныт. Нунын вачўмбакышт эн неле паша возын: у профессийым шымлымаш, усталыкым чумырымаш да пашам организоватлымаш. Вуйын шогымыштлан да нойыде тыршымыштлан кӧра, туныктышо-влак икымше ошкылым ыштеныт.

Уда койышан, йоча-влакын осал пашам ыштымашышт да начар еш-влак шукеммылан кӧра, образовательный сферыште «Социальный педагог» должностьым пурташ логалын. Мемнан школышто икымше социаль педагог-влак Жучкина Екатерина Александровна ден Алексеева Ирина Александровна лийыныт.

Мемнан курымышто психологын профессийыже моткоч кўлешан лийын кодеш. Психолог йоча коллектив дене тырша – нунын дене пырля пашам ышта, познавательный процессым вияҥда. Школысо тургыжланымашым да начар тунеммашым текшырымаште куча. Гаптрахимова Светлана Владимировна районышто дипломан икымше психолог лийын. Вуйын шогышан, поро кумылан улмыжлан икшыве да нунын ача-авашт, пашам пырля ыштыме йолташыже-влак коклаште пагалымаш дене пайдаланен. Кеч-могай ситуацийыште педагог-психолог Вострецова Надежда Леонидовна креативный да сай кумылан улеш, ласка да тактичный – Вачиева Валентина Георгиевна, вияҥаш да шке шинчымашыжым кўкшемдаш тыршыше – Лагунова Дарья Юрьевна.

Школ программым вашталтымылан кӧра, тунемшын организмжылан нагрузка ешаралтеш. Сандене школышто тазалыкым аныклыше технологийым шыҥдарыме паша намиялтеш. Тунемше-влакым эмлыме профилактика курс-влакым жапыштыже эртарымаш да консультацийым ончыктымаш – тиде медпашаеҥын сомылжо.

Мемнан школышто ты пашам Сазонова Тамара Алексеевна, Шарафуллина Альфина Афкатовна, Бишарова Светлана Флюсовна намиеныт. Нуно шке профессийыштлан ўшанле кодыныт, кеч-могай минутышто полышым ончыкташ ямде лийыныт.

Статистике ончыкта, ий гыч ийыш тўрлӧ отклонений дене икшыве-влакын чотыш шукемыт. Российыште инклюзивный образований инвалид икшыве-влакым туныктымаште ончыл верыште улеш.

2014 ийыште мемнан школ Россий Федерацийын «Доступная среда» кугыжаныш программыж дене келшышын, элнан инклюзивный школ радамыш пурен. Федераль да муниципаль счетын оксаж дене архитектурный пашам эртарыме, входной группым ыштыме, логопедический кабинетым куралаҥдыме, сенсорный пєлемым, эмлыме массаж да ЛФК кабинетым, тренажер залым ыштыме, пандусым, поручним вераҥдыме, чумыр пайдаланыме пєлемым уэмдыме, инвалид икшыве-влакым кондыштараш лўмын у санитар норма дене келышыше инвалид коляске ден Газель автобусым налме.

Мемнан пашаштына стандартный огыл йӧн-влак, посна программе, инновационный технологий-влак кучылталтыт. Вет начар тазалыкан тунемше-влакын тазалык шотышто проблемышт уло.

Школышто тунемше-влак тыгак чын да моторын ойлен моштышаш улыт. Икшыве иктаж буквам ойлен огеш мошто гын, тудо вожылаш тўҥалеш. Вет ончыкыжым икшыве кеч актер, инженер але сатучо лиеш гынат, тудо яндарын да моторын кутырен моштышаш. Кызыт школышто логопедический пункт пашам ышта, тудым логопед Нурисламова Гульнара Ахнафовна вуйлата. Шке пашажым сай пала, тунемше-влак дене порын кутыра. Туныктышо-логопед муниципаль да региональ кўкшытыштӧ эртыме профессиональ конкурслаште участвоватла, призан вер-влакым налеш. Тыге, 2020 ийыште «Талукын туныктышыжо» район конкурсышто сеҥышыш лектын.

Икшывын илышыштыже тўрлӧ ситуаций лийын кертеш: конфликт, у еҥ-влак дене палыме лиймаш, адаптаций, экзамен-влак. Чыла тиде проблемым тудо шкетын се‰ен ок керт, тудо тичмашнек вияҥаш мешаят. Икшывын мо деч лўдмыжым пален налмаш, полышым ончыкташ, нуным колаш да кўлеш корно дене наҥгаяш мемнан педагог-психолог Щербакова Инна Сергеевна полша. Паша стажше кугу огыл гынат, тудо посна да тўшкан психологический диагностикым эртара. Перспективный специалист, пашаштыже шке шинчымашыж дене пайдалана.

Илышын неле ситуацийышкыже логалше икшывылан полышым социаль педагог ончыкта. Пашажат куштылго огыл, вет икшывылан обществыште шке вержым муаш да эллан кўлшӧ гражданин улмыжым палаш полшыман. Ты пашам мемнан школнан социаль педагогшо Сакриева Раушания Фанизовна намия. Пашам ыштыме жапыште шкенжым уста специалист семын ончыктен, икшыве-влак, нунын ача-авашт, пашам пырля ыштыме йолташыже-влак пагалат. Шкеж деч пеҥгыдын йодшан улеш. Ийготыш шудымо икшыве-влак дене пашам намийыме шотышто комиссийыште шога.

Школышто тунемше-влакым тазалыкыштым аралыме пашам медшўжар Ягафарова Альфия Гамилевна шукта. Тудын вачўмбакыже кугу сомылым пыштыме. Тунемше да туныктышо-влакын тазалыкыштым текшыра, профилактика мероприятий-влакым эртара. Элыштына неле ситуаций лиймылан кӧра, медпашаеҥ-влакын пашашт ятырлан шукемын. Школ-влак лўдыкшыдымылан мера-влакым текшырыме режимыште пашам ыштат. Медшўжарын, тыгак мемнан школнан кажне специалистшын пашаже – тунемше-влакын тазалыкыштым аралымаш.