Каҥашым пуэн

Тунам але «цифровой телевиденийыш» кусналтын огылат, «кабельныйын» ончыктымыжын радамже йӧршын уке. Пытартышлан ик канал гына ончыктыльо, тудыжат вудакаҥе. «Тиде, очыни, мыйын телевизорем алама ончыкта дыр?», – шоналтышымат, телемастерым ўжыктышым. Лач сериалым ончыктымо тат ыле.

Тольо мастерем. Шымлен лекте. Эй, пўтыркалыш, эй толашыш, ик шагат наре маташыш. Ынде саде вудакан ончыктымыжат йомо.

– Те, ида ойгыро. Эрла мартен тўсыза. Теве «В №1» детальым муамат, толын олмыктем. А кызытеш радио дене икымше программыште колыштса, садымак ойлат, – каяш погынышо мастерем каҥашым пуэн кодыш.

М. Данилов.