Келтей ял библиотекыште изи музей

Кажне айдеме шкенжын шочмо-кушмо вержым йӧрата. А кунам тудын историйже нерген чыла палет, поснак эн лишыл лиеш. Кызыт илыше еҥ-влаклан шке тукымышт нерген палыман да шарнен илыман, вет ты историйым ончыкыжым шке икшывет, уныкат-влаклан каласкалыман. Сандене Келтей ял библиотекыште изи музейым ышташ лийыныт.

Театр вешалке гыч тўҥалеш, а музей – ик эн шерге арвер гыч. Мыланем мыйын ковамын, кочамын, авамын да Маня кокамын акрет годсо вургемже-влак ик эн шерге улыт. Ындыжым нуно мемнан библиотекынан изи музейыштыже аралалтыт.

Мыйын Чакий ковамын изи сондыкыштыжо Пасет кочам деч фронт гыч колтымо серышым да моло шергакан документ-влакым арален коден. Тыгак Пасет кочам деч шке кидше дене пу гыч ыштыме йоча кровать, пырдыжыш сакыме шкафчик, каткысь – шўртым пўтырымӧ инструмент – кодын. Авам ден Маня кокам акрет годсо тувырым, ончылсакышым, брюкым да портянкым уржаш куэмым, паласым да куымо станокым арален коденыт. А сондык мылам Катя кокам деч кодын.

Изи музейлан материал-влакым погымашке мемнан лудшына-влакат ушненыт. Ялысе краевед, «Арка пасу» книган авторжо Шаякбаев Михаил Сапаевич музейлан акрет годсо висам, плуг деч ожсо резакым, шке куымо куэмым пӧлеклен.

Пуралан пушеҥге гыч шке ыштыме печкем Пекулов Алексей конден.

Вера, Шайдуллин Михаилын ватыже оньо ачажын Шайдуллин Шакийын, Москва олаште метром чо‰ымаште лийын, фото-портретшым пуэн.

Пу гыч пўчкеден ыштыме фигура-влакым Шадрин Валерий пєлеклен. Пидме салфетке-влакым Сайтиева Елизавета Даниловна, Ибаева Адабия Идрисовна конденыт.

Курчаклан марий тувырым мемнан ялнан уста ургызыжо Данилова Тамара Яндугановна урген.

Мемнан музейнам умбакыжат пойдарыме шуэш. Сандене мемнан ялыште илыше калык деч акрет годсо вургем, арвер, ўзгар уло гын, мемнан изи музейышкына кондаш йодына.

М. Ислаева, Келтей ял библиотекын вўдышӧ библиотекарьже.