+10 °С
Облачно
Новости
13 Ноября 2020, 09:05
Россий МВД-ын Калтаса районысо пӧлкажын пашаеҥже-влак служебный порысыштым шуктымо годым колышо йолташышт-влакым шарналтеныт
8 ноябрь – элкӧргӧ паша органын пашаеҥже ден правопорядке войскан военнослужащийже-влакым, служебный порысыштым шуктымышт годым колышо-влакым шарнымаш кече. Икымше гана мемнан элыште тиде кечым 2011 ийыште палемденыт.
Тиддеч вара, кажне ийын, погоным чийыше еҥ-влак шке порысыштым шуктышыла колышо йолташыштым шарналтат.
Полиций пашаеҥ-влак кеч-кунамат Россий калыкын щит ден кердыже лийыныт. Кажне кечын тыныс илышыште нуно шке илышыштым чаманыде калыкым осал пашам ыштыше еҥ деч аралат.
8 ноябрьыште Россий МВД-ын Калтаса районысо пӧлкажын вуйлатышыже ден личный составше Калтаса районысо пӧлкан пашаеҥже-влакым, шке порысыштым шуктышыла колышо пашаеҥ-влакым – элкӧргє паша органын лейтенантше Хайбрахманов Радик Фанафиевич ден полицийын капитанже Алексеев Юрий Мильсоновичым – шарналтеныт.
Мероприятий полиций пӧлка воктен шогышо обелиск воктеке пеледышым пыштымаш дене мучашлалтын.
Г. Мухултдинова.
