Пенсионеркылан «Тылыште тыршыше» лўмым налаш полшеныт

Прокуратура судебный порядке дене Калтаса районышто илыше еҥлан «Тылыште тыршыше» лўмым налмаште праваштым араленыт.

Калтаса район прокуратурыш 88 ияш верысе ўдырамаш йодмаш дене толын.

Палемдыме, 1944 гыч 1945 ий марте 12 ияш ўдыр кугыеҥ-влак дене пырля БАССР Дӧртыльӧ районысо «Агидель» озанлыкыште пашам ыштен.

Республикын паша да калыкым социально аралыме пӧлка министерствыш «Кугу Отечественный сарын ветеранже» статусым палемдыме йодыш дене мийымыж годым, тудлан отказатленыт. Ты жапыште пашам ыштыме нерген документ-влак аралалт кодын огытыл, манын каласеныт.

Тудын праважым аралаш манын, район прокуратура судыш йодмаш дене лектын. Ӱдырамашын тылыште пашам ыштыме юридический фактым пеҥгыдемдыме лийын.

Надзорный ведомство йодмашым ончен.

Судебный решенийым шуктымо сомылым район прокуратура текшырымаште куча.

Д.М. Хайруллин, район прокурорын алмаштышыже, юстицийын младший советникше.