Онлайн-консультаций

Калтаса районысо еш службо Еш консультаций кечым эртарен

11 ноябрьыште еш консультаций кече ден «Трезвое село– 2020» конкурс эртыме жапыште Калтаса районысо еш службын специалистше-влак онлайн-консультацийым эртареныт.

Район калык ончылно район администраций вуйлатышын социаль йодыш-влак шотышто алмаштышыже Е.А. Алексеева, Калтаса эмлымверын врач-наркологшо Л.А. Галиханова, еш службын вуйлатышыже С.М. Хамидуллина, «Вера» АНО-н вуйлатышыже Н.В. Иксанова выступатленыт.

Тыште кызытсе жап дене кылдалтше пӱсӧ йодыш-влакым онченыт. Тиде – коронавирус инфекций шарлыме шотышто профилактике, арака суррогат дене кучедалмаш, аракам йӱмым да наркотик дене пайдаланымым кузе чараш, пєртыштє социаль услугым ончыктымаш да молат.

Видео-конференцийлашке ялсовет администрацийлаште ушненыт. Тудын пашаштыже тӱҥалтыш ветеран организацийын вуйлатышыже, общественный советын чолгаеҥышт, ӱдырамаш каҥашын членже-влак участвоватленыт. Конференцийыш ушнышо район калыкат шке йодышыштлан вашмутым налыныт.

С. Аркадьева.