Какаом йӱза

Нылле ийым эртыше ӱдырамаш-влаклан каком йӱаш темлат. Тудо вирус да инфекций-влак деч арала, вий-куатым ешара. Ноеда але кумылда волышо гын, какао полша.

Какаошто вуйдорыкын пашажым саемдыше вещества уло, тудо ушым пӱсемдашат полша. Тыгак какао-бобышто РР витамин уло, тудо вӱрым эрыкта, организм гыч уто холестериным луктеш. Тыгак коя ден белокым кӱлеш энергийыш савыра, а тидыже ты ийготышто поснак кӱлешан.

Какаошто улшо кокохип манме соединений сусырым вашке поремдаш полша, куптыр погынымо деч арала. А эхиптехин манме вещества инфаркт, инсульт, рак, диабет лийме деч арала. Эше какаошто кӱртньӧ уло. Тудо гемоглобиным шукемда, анемий деч арала.

Какаом кечывал марте йӱаш сайрак. Адакшым какаошто меланин уло. Тудо коваштым УФ-луч да кечыште когаргыме деч арала.