Ӱмыр мучко кид кучалын

Вате-марий Владимир Иргибаевич ден Зинаида Искаковна Илтыбаевмыт 50 ий пырля икте-весыштым пагален, йӧратен илат. Нуно илыш корно дене пырля ваш-ваш умылен, полшен, келшен да икте-весыштлан эҥертен эртеныт.

Владимир Иргибаев Зинаидам мўндыр 1969 ийыште вашлийын. Самырык рвезе Белорусийыште Совет Армий радамыште служитлен. Мєҥгыжӧ пӧртылмеке, нефтепромыселыш пашаш пурен да нефть да газым пролышо оператор лийын 35 ий, сулен налме канышыш лекме марте, тыршен. Нефтяной промыселым вия‰дымашке шке надыржым пыштымыжлан «Россий Федерацийын Почетан нефтяникше» лўм да ятыр грамота да Тауштымаш дене палемдалтын.

Зинаида Искаковна 16 ий гыч Ленин лўмеш озанлыкыште пашам ышташ тўҥалын, тудым «пашан ветеранже» лўм дене палемдыме. Тӧлдӧ ялыште шочмо озанлыкыште ялозанлыкым вияҥдымаште 39 ий тыршен.

Чапле, пеҥгыде, келшен илыше еш – чыла тиде Илтыбаевмыт нерген. Нуно кум икшывым шочыктеныт да йол ўмбаке шогалтеныт, кызыт ныл уныкалан да уныка-влакын кум икшывыштлан куанен илат.

Вате-марийлан 70 ий гынат, нуно шке озанлыкыштым кучат. Владимир Иргибаев пеш поро кумылан айдеме, емыж-саскам ончен кушта, кеҥежым кажне кечын колым кучаш коштеш, ты паша тудын кумылжым нӧлта.

Зинаида Искаковна чапле озавате, кидпашалан мастар улеш. Тудын тўрлымӧ, ургымо пашаже ятыр. Пакчаштыже гын тўрлӧ деч тўрлӧ пеледыш-влак эр шошо гыч тўҥалын шыже марте пеледыт.

Владимир Иргибаевич ден Зинаида Искаковна Илтыбаевмыт самырык-влаклан сай пример улыт.

Ме, икшывыже да уныкаже-влак, нунын гай лияш тыршена да пеҥгыде тазалыкым, кужу ўмырым, ласка илышым тыланена.

С. Изикеева,

Тєлдє ял библиотекын вўдышӧ библиотекарьже.