Башкирийыште кевытлаште пенсионер-шамычлан «пиалан шагат-влак» улыт

Республике вуйлатыше Радий Хабировын коронавирус шарлыме лўдыкшылан кӧра повышенная готовность режим нерген пунчалжын у редакцийже дене келшышын, 10 гыч 30 ноябрь марте 65 ий деч кугурак ийготан илалше еҥ-влаклан самоизоляций режим палемдалтын.

Нуно продукт ден эмым гына налаш лектын кертыт, а 11 гыч 13 шагат марте банк ден связь салоныш миен толын кертыт. Тидлан кєра БР торгайымаш министерствын пресс-службыжо кузе увертара, федераль да республике торгайыме сеть-влак илалше еҥ-влакым аралаш манын, «пиалан шагат-влакым» ыштеныт, ты жапыште пенсионер-влаклан скидке лиеш.

«Магнит» кевытыште 65 ий деч кугурак ийготан еҥ-влаклан «пиалан шагат-влак» шочмо гыч кугарня марте, 13.00 шагат марте, 10 % скидке лиеш.

«Ашан» кевыштыште «пиалан шагат-влак» тыгак шочмо-кугарнян 10.00 гыч 13.00 шагат марте лиеш. Пенсионер-влаклан 10 % скидке лиеш.

«Пятерочка» кевытыште акций кажне арнян 5 % скидке дене эрта, шочмын – 10%. Тудо кевытым почмо деч вара 13.00 шагат марте шуйна.

«Байрам» кевыште пенсионерын социаль картыжым ончыктымо дене 20% скидке ончыкталтеш. Тыгак чыла ассортиментлан, тамака, арака да акций дене ужалалтше подукций деч посна, 11.00 гыч 13.00 шагат марте ешартыш 3% скидке уло.

Тылеч посна, «пиалан шагат-влак» илалше еҥ-влаклан «Полушка», «Ярмарка», «Малинка», «Лукошко», «Корзинка», «Фасоль», «АИФ», «Альдо», «Феличита», «Нолан» кевытлаште улыт. Тыштат чыла ассортиментлан, тамака, арака да акций дене ужалалтше подукций деч посна, 3 % акций ышталтын. Акций 11.00 гыч 13.00 шагат марте шуйна.

«Башинформ» ИА.