Кӧн илышыжым корно наҥгаен

Калтаса кугыжаныш автоинспекцийын пашаеҥже-влак «Ме шарнена!» акцийым эртареныт. Автоинспектор-влак «Центр» клубын чолгаеҥже да Ибрахим хаджи хазрат Абзалитдин дене пырля Калтаса селасе площадьыш лектыныт. Кажне ийын аварий миллион дене еҥын илышыжым наҥгая, ты шучко трагедий нунын ешыштлан мыняр ойгым конда…

Нуно водитель, пассажир, тыгай йолешке-влаклан корно правил-влакым текшыраш шўденыт. Аракам йўынат гын, руль воктеке ит шич, вет йўшє водитель – тиде осал пашам ыштыше еҥ, тудо шке койышыжым текшырен ок керт. Машинаш шинчынат – лўдыкшыдымылык ременьым пижыкте, изи йоча-влакым лўмын автокреслошто кондыштарыман. Йолешке-влак кушто шонат, тушко корно гоч вончен лектыт. Тидым ыштыман огыл, палемдыме верлаште лекташ тыршыза да пычкемыш жапыште вургемышкыда лўмын светоотражающий элемент-влакым пижыктыза.

Корно толкынын чыла участникшылан ош кӧгерченым да ош тўсан шар-влакым кучыктеныт. Ты тўс тыныс да илышын символжо улеш. Корнышто лўдыкшыдымылыкым пропагандироватлыме шотышто инспектор Татьяна Нурисламова кажныжлан светоотражающий браслет-влакым кучыктен. Кугыжаныш автоинспекцийын пашаеҥже-влак корнышто сак лияш ўжыт, тендан да лишыл еҥда-влакым тазалыкыштым да илышыштым аралыза. Вет мемнан илышна – тиде кинопленка огыл, тудым шеҥгеке пўтыралаш ок лий.