«Шочмо элнан историйыштыже мыйын ешемын кышаже»

Тудо Краснохолмский поселкым чоҥымым сай шарна. Эше изиж годым пошкудо Кучаш ял гыч эрге ача-аваж дене тышке толын коштын, пӧрт, учреждений-влак чоҥалтмым ужын…

Аглям Сабирович Хайбуллин 1 №-ан Краснохолмский кыдалаш школым тунем пытарен. Паша корныжо вуйлатыме должностьлаште эртен. А эн тўҥжӧ – шым насыл марте кажныжым, тыгак Файхуна пелашыжын кажне шочшыжым пала. Кажне шэжэреште 160 утла тукым уло.

Хайбуллинмытым мемнан селаште чыланат палат. Тушто Краснохолмский селан творческий илышыжын чолга участникше-влак. Тальянке, домбра дене шоктат. Тений Аглям ден Файхуна БСТ каналын «Салям» телепередачыштыже участвоватленыт. Тудо Кугу Сеҥымашын 75-ше идалыкшылан лўмдалтын лийын. Тыште нуно кум сарыште лийше ачашт нерген раш ойленыт.

«Трезвое село – 2020» конкурсым да «Башкортостан Республикыште башкир йылме идалык» программым илышыш шыҥдарыме годым ме Хайбуллинмыт еш дене вашлиялтна.

Чаманен каласаш логалеш, тўня мучко коронавирус шарлымылан кӧра, мероприятийыште шуко еҥ лийын огыл. Тыгак тукымвож нерген шуко еҥ палышаш. А ме, «Нефтяник» Культура пӧртын коллективше, Краснохолмский библиотеке, башкир-влак курултай да «Йэншишмэ» фольклор ансамбль ўшанена, тукым дене кыл ок кўрылт да шочмо-кушмо элнан чапле историйжым умбакыже шуйымо лиеш.

Е. Кузнецова,

Краснохолмский библиотекын библиотекарьже.