Чыланат ечыш шогалына!

Вашке теле толеш. Еҥ-влак ече ўмбак шогалыт. Шукышт ечыгорно – тиде чодыраште але пасушто корно, кудыж дене ечызе-влак куржталыт манын шонат. Но профессионал-влаклан тудо келшен ок тол. Ече спорт дене занятий-влаклан лўмын ямдылыме трассе кўлеш.

Краснохолмский селаште спортым йӧратыше еҥ-влак чумыргеныт да вондер-влак дене кушкын пытыше трассым эрыктеныт. Тыште «СтройТехСервис» ООО, а тудым Фанис Гайнулин вуйлата, кугу полышым ончыктен.

– Техникым ойырымылан кугу таум каласыме шуэш. Тыланда пиалым да тазалыкым тыланена, – Краснохолмский селаште илыше калык соцсетьлаште Фанис Фанилович лўмеш таум каласен возат.

«СТС» ООО-ын вуйлатышын мутшо почеш ты пашалан селаште илыше Ильдар Хузин тўҥалтышым пыштен, тудым депутат, предприниматель, хоккейым йӧратыше, тыглай сай еҥ семын чыланат палат, ик гана веле полыш кидым шуялтен.

Ындыжым селаште илыше калык лум вочмым вуча, тунам ече дене мунчалташ лиеш.

О. Айгильдина.