Самырык туныктышын дебютшо

2020 ий 10 октябрьыште, Республике кече деч ончыч, Калтаса селаште Калтаса район муниципаль район администраций вуйлатышын пашажым шуктен толшо Забир Тагирьянович Габдуллин районысо образований учрежденийлаште пашам ыштыше кум самырык туныктышылан сертификатым кучыктен. Нунын коклаште 3 №-ан Краснохолмский кыдалаш школышто математикым туныктышо Светлана Юрьевна Возжаева лийын. Светлана Юрьевна БирГСПА-ын физико-математический факультетын выпускницаже. 2012 ийыште 3 №-ан Краснохолмский кыдалаш школышто туныктышо лийын пашам ышташ тўҥалын. Самырык да амбизиозный, усталык уке улмо да нелылык деч лўдын шоген огыл, пашалан кыртмен пижын. Ту жап нерген тудо тыге ойла: «Чын, куштылго лийын огыл, туныктымо методикым шуко шымлаш, коллектив дене палыме лияш, тунемше-влак деке корным муаш кўлын, тыгак школын общественный илышыштыже участвоватлыман. Кажне кече икте-весыж деч ойыртемалтын, паша шуко лийын гынат, мый иктым раш умыленам: туныктымаш – тиде мыйын призванием!». Ий гыч ийыш туныктымо паша усталык чумырген. Светлана Юрьевна икымше классшым кумда илыш корныш луктын, тўрлӧ олимпиаде ден конкурслаште участвоватлымаш, ОГЭ ден ЕГЭ-лан тунемше-влакым ямдылымаш да нуным сай сдатлымаш. Таче тудо 7б классын вуйлатышыже улеш, кугу буква гыч туныктышо да ончыкылык план дене.

Светлана Юрьевнан илышыже ончыко сералтын. Вет туныктымо паша раш планировкым, организоватлыме паша ден текшырымашым йодеш. Тугеже тиде урок, конкурс, мутланымаш, поход, иктаж-кушко коштын толмаш, слет да мероприятий-влак. Тылзе гыч тылзыш, ий гыч ийыш.

Светлана Юрьевнан мутшо почеш, ончычсо лўдмаш шеҥгек чакнен, тудо у йєн ден сеҥымаш-влаклан корным почын. Коллективыште тудым пагалат. Пашам пырля ыштыме йолташышт-влакын мутышт почеш, урок-влакым тудо пеш устан да моштен эртара, кызытсе жаплан келшен толшо технологий дене пайдалана, тидыже шинчымашым пеҥгыдемдаш полша. Эше ик гана ушештарена, мемнан героиняна туныктышо веле огыл, тыгак кум икшывын чапле авашт улеш, кокытшо школышто тунемыт.

Палашда, ты грантым 2019 ий июльышто самырык туныктышо-влаклан полшаш манын ышталтын. Тў‰алтыште грантын кугытшо 600 тўжем теҥге лийын. 2020 ийыште тудым кугемдаш лийыныт – ындыжым 690 тўжем теҥге. Но тидым мондыман огыл, ты грантым налаш кугу конкурсым эртыман да тудын чыла условийжым шуктыман.

Ты конкурсышто участвоватлашлан 10 тўжем деч шагал огыл еҥ илыме селаште пашам ыштыше 200 туныктышо йодмашым пуэн, ийготышт 35 ий марте лийшаш, школышто 2 ий деч шагал огыл пашам ыштышаш. Кажныже пытартыш кум ий ыштыме пашаште сеҥымаш-влак дене портфолиом да авторский инновационный проектым колтышаш лийын.

Республикын ойырымо грантше туныктышын илышыштыже кўлешан йодыш-влакым веле огыл решатлаш полшат, тыгак шочмо селаште самырык туныктышо-влакым пашам ышташ ўжеш.

3 №-ан Краснохолмский КШ-ын коллективше.