У ийысе ола-влакым шукырак чоҥаш тўҥалыт

У ий мероприятий йодыш-влакым БР правительствын премьер-министржын алмаштышыже – ЖКХ министр Борис Беляев да муниципалитет вуйлатыше-влак дене видеоконференцийыште каҥашеныт.

«Башинформ» информагенство кузе увертара, республике ола да район-влакын вуйлатышыштлан кызытак У ий ола-влакым ышташ тўҥалаш шўден, 10 декабрьлан нуно ямде лийшаш улыт. Неле эпидемиологический ситуацийлан кӧра чыла пайрем мероприятий южышто посна аралыме средства да социаль дистанций текшырен эртарыме лиеш.

«Пандемийлан кӧра тений кодшийсе деч шукырак ола-влакым ыштыман, илыме пӧрт-влакын оралтыштыштат тидымак ыштыман. Пайремым олан рўдыштыжӧ гына эртарыман огыл. Уке гын, калык шуко чумыргымо деч утлаш ок лий. Тиде чын огыл. Пайрем ден мероприятий-влакым олан тўрлє луклаштыже эртарыман», – палемден Борис Беляев.