У вуйлатышым палемдыме

20 ноябрьыште район администрацийын погынымаш-влак залыштыже Калтаса район муниципаль район Советын визымше созывшын кумшо каҥашымашыже эртен. Каҥашымаште депутат-влак район администраций вуйлатышым пеҥгыдемдыме шотышто йодышым онченыт.

Советын пунчалже почеш, район администраций вуйлатышылан Габдуллин Загир Тагирьяновичым пеҥгыдемдыме. Ончыч тудо район администраций вуйлатышын чоҥымо паша, промышленность да ЖКХ шотышто алмаштышыже лийын ыштен.

Каҥашымашын пашаштыже тыгак Башкортостан Республике вуйлатышын администрацийжын вуйлатышыже А.Г. Сидякин выступатлен. Александр Евгеньевич Ю.М. Садыровлан район администрацийым вуйлатымаште кугу пашам шуктымыжлан таум каласен да у вуйлатышылан у пашаверыште сеҥымашке шуаш тыланен кодын.

Каҥашымашын пашаштыже тыгак Башкортостан Республике вуйлатышын администрацийжын вуйлатышыжын алмаштышыже Ахметвалиев Искандер Рауфович, Башкортостан Республике вуйлатышын Управленийжын верысе самоуправлений йодыш шотышто вуйлатышыже Жебровский Владимир Александрович, Башкортостан Республике вуйлатышын Управленийжын верысе самоуправлений орган-влакын пашашт шотышто пӧлкан тӱҥ советникше Юсупов Динис Радисович, Башкортостан Республике кугыжаныш Погын – Курултайын депутатше Юмадилов Булат Гумерович участвоватленыт.

Илыш корныжо

Габдуллин Забир Тагирьянович 1976 ийыште Башкортостан Республике Калтаса районысо У Аткӱль ялыште шочын, кӱшыл образованиян, 1998 ийыште Башкир кугыжаныш университетым да Казань оласе кугыжаныш архитектурно-строительный университетым тунем лектын.

1993 ийыште «Калтаса ялозанлык техника» ОАО-што слесарьын ученикше лийын пашам ышташ тӱҥалын.

1998-2000 ийлаште – «Калтаса ялозанлык техника» ОАО-што инженер-дефектовщик.

2000-2008 ийлаште – Нефтекамск олаште «Нефтекамск водоканал» МУП-што биологический эрыктыме сооружений цехым олмыктымо шотышто мастер, олмыктымо шотышто мастер, старший мастер, водоотведений цехын вуйлатышыже, пӧрт кӧргє сеть вуйлатыше, подъем, вӱдым пуэн шогымо сетьын вуйлатышыже, подъем, эрыктыме да вӱдым пуэн шогымо цехын вуйлатышыже.

2008-2010 ийлаште – Нефтекамск оласе «УЖХ» ООО-ын 14 разрядан тӱҥ инженерже, 16-шо разрядан тӱҥ инженер.

2010-2012 ийлаште – Нефтекамск оласе «УЖХ» ООО-ын тӱҥ инженерже.

2012-2017 ийлаште – капитально чоҥымо да тӱзатыме паша шотышто пӧлка вуйлатыше, жизнеобеспечений да тӱзатымаш шотышто пӧлка вуйлатыше, Нефтекамск оласе администрацийын жизнеобеспечений шотышто вуйлатышын пашажым шуктен толын.

2018-2020 ийлаште – Нефтекамск оласе администраций вуйлатышын икымше алмаштышыже.