Конкурс

Калтаса районысо тунемше-влаклан Аван кечыже вашеш пӧлекым налаш огеш кӱл – нуно тудым шке кидышт дене ыштат.

Шке кид дене ыштыме пӧлек деч сайже иктаж-мо уло гын? Открыткым, пеледышым, салфеткым налын, аван шинчаже пиал дене шыргыжеш, а шӱмжӧ - куан дене темеш. А йоча-шамыч шке аваштым чӱчкыдын куандараш тыршат. Аван кечыжлан лӱмдалтше мастарлык конкурсышто, тудым ЦВВ увертарен, йоча-влак моткоч чолган участвоватленыт.

Ик тылзе жапыште – 19 октябрь гыч 20 ноябрь марте 158 паша пурен. Т¢рлӧ материал ден тӱрлӧ техникым кучылтмо: пидме роза, шырча гыч фиалке, лента гыч пеледыш, гофрированный кагаз, фетр, фоамиран да молат.

Паша-влакым кок номинаций дене акленыт: «Авалан пӧлек» да «Авалан пеледыш». Кузе конкурсын организаторжо-влак палемдышт, чыла паша сай, а жюри гын, эн сайже-влакым тӱрлӧ выстакыште участвоватлашлан ойырен налын. Сеҥыше ден призер-влакым чап грамот да пӧлек-влак дене палемдыме.

Сеҥыше-влак коклаште Актыган тичмаш огыл КШ-ын, Павасола КШ-ын, Кугу Качак КШ-ын, 1 №-ан Калтаса КШ-ын, 2 №-ан Калтаса КШ-ын, Киябак тичмаш огыл КШ-ын, 1 №-ан Краснохолмский КШ-ын, 2 №-ан Краснохолмский КШ-ын, 3 №-ан Краснохолмский КШ-ын, Кӧтерем КШ-ын, Ӱ лыл Качмаш КШ-ын, Тошто Оръямучаш тичмаш КШ-ын тунемшыже-влак.

С. Аркадьева.