Власть. Паша тат

Район администраций вуйлатыше Габдуллин Забир Тагирьянович калык дене вашлиймашым эртарен. Район калык вуйлатыше деке тӱрлº йодыш дене толын: мланде участкым ойырымаш, социальный найм шотышто илыме верым ойырымаш, шуко пачеран пºртыштº пºртвуйым шокшемдымаш да молат. Красный Холм ялын чолгаеҥже-влак тиде ял дене кылдалтше йодышым лончыленыт.

Кажне йодмаш почеш Забир Тагирьянович администрацийын специалистше-влаклан йодышым решатлаш шӱден.

Район вуйлатыше ик йодышат ончыде ок кодалт манын ӱшандарен каласен.

– Кеч-могай паша вашкерак ышталтеш, кунам тиде пашам келшен да пырля шуктат. Сандене район калыкын полышыжлан да умылымашыжлан ӱшанен кодам. Икте-весынам колаш да колышташ т¢ҥ алына манын шонем да ончыкыжым районна пеледалташ тӱҥалже манан чылажымат ышташ тӱҥалына. Пашам пырля ыштыме йолташем, ялсовет вуйлатыше, предприятий, организаций, учреждений вуйлатыше-влак деч пеҥгыдын йодаш тӱҥалам. Ӱшанем, пырял ме чыла пашамат шуктен кертына, – воза З.Т. Габдуллин «Вконтакте» страницыштыже. – Мыйын лӱмеш пурышо чыла йодышым мый шке текшыраш тӱҥалам.

Калык дене вашлиймашым администраций вуйлатыше кажне шочмын эртара. Тыланыше-влак (834779) 4-16-38, 4-17-38, 4-22-57 (администрацийын приемныйжо) телефон дене йыҥгыртен сералтын кертыт.

Тыгак электрон адрес денат йодыш-влак налылтыт: [email protected] але Россий почто дене серышым колташ лиеш: Калтаса села, К. Маркс урем, 72.