Нефтепроводчик-влак Кугу Отечественный сарын участникше-влак нерген шарнымашым ӱмыраҥдаш полшеныт

Калык вашке селаште паркым ышташ шона – ик жап гыч Герой-влакын аллейышт паркыште рӱдӧ вер лийын кодеш. Аллейым шочыктымаште икымше ошкыл фронтовик-влакын той бюстыштым шогалтымаш лийын. Нуным ямдылашлан Черакссовский ялсоветын администрацийже «Транснефть-Урал» АО деч полышым йодын. Предприятий тиде ой дене келшен да тиде поро пашалан миллион утла теҥгем ойырен. Тиде окса дене нуно бюст-влакым ямдылат да шогалтат. Сарын участникше-влакын бюстышт художественный литье йºн дене ыштыме. Табличкылаште герой-влакын фамилийыштым, лӱмыштым да илыме ийыштым возымо.

Кугу Отечественный сарын участникше-влаклан памятникым олмыктымо да чоҥымо пашаште полыш «Транснефть-Урал» АО-н поро пашажын ик ужашыже лийын кодеш. Кугу Сеҥымашлан 75 ий темме вашеш предприятий 10 утла памятник ден мемориал комплексым олмыкташ полшен.

Справке:

Косолапов Филипп Макарович, Совет Ушемын Геройжо, 2-шо гвардейский истребительный авиаполкын командирже. 300 утла боевой вылетым ыштен, тушманын 11 самолетшым сӱмырен, тӱшкаште – 9 самолетым.

Кулаков Петр Афанасьевич, Совет Ушемын Геройжо, 598-ше артиллерий полкын орудийжын командирже. 1944 ий июльышто Неман эҥерын шола серыштыже П.А. Кулаковын артиллерий расчетшо тушманын 5 танк атакыжым палдыртен, 3 танкым да тушманын 100 утла салтакшым пытарен.

Едренкин Михаил Акимович, Слава орденын тичмаш кавалерже. 35-ше инженерно-саперный штурмовой батальонын сапержо. Кӱлешан корнылам минироватлымыжлан, огневой точко-влакым разведыватлымыжлан, Одер эҥерым мемнан войска-влаклан ийын лекташ полшымышталн орден-влак дене палемдалтын.