Калтаса ужара
+21 °С
Пылан
Все новости
Новости
3 теле 2020, 18:35

Таза лийза

Тергеныт – полша

Пырдыжыш эҥертен, кок йолымат иктаж 20 минут наре кӱшкӧ нӧлтал кучаш темлыме иктаж-кӧлан але ӧрыктарышын чучеш? А ты упражненийым кажне кечын ыштымын пайдаже шагал огыл. Йолым кӱшкӧ нӧлталын, кӱварыште 20 минут чоло кийыме деч вара сай вашталтыш шижалтеш.
1. Йолйыжыҥ тураште кӱпнымӧ чарна.
Вӱр сайын коштдымылан, верге сайын пашам ыштыдымылан, уто нелыт улмылан, шӧнчалан кочкышым чӱчкыдын кочмылан кӧрат йол кӱпнен кертеш. Тыгай годым ышташ темлыме упражнений туткар деч утлаш полшен кертеш.
Кужун да шуко йолын коштмо деч вара йолым кандара. Вет йол кече мучко нелытым шке ӱмбалныже нумалеш. Тудлан шагал огыл чыташ верештеш.
Кочкышым шулыктарыме процессым писемда. Йолым кӱшкӧ нӧлталме дене вӱр писынрак кошташ тӱҥалеш, тудо сайын «лугалтеш». Йол вуй деч кӱшнырак гын, организмыште вӱд, кочкыш кужун ок кучылталт. Кочкышым шулыктарыме паша палынак писемеш. Кочкышышто улшо пайдале вешества писын шулыктаралтеш, запор орландараш ок тӱҥал.
Нервым, стерссым луштараш полша. Тыге кийыме деч вара шӱлаш палынак куштылгырак лиеш. Кийыме годым оҥыш южым шукырак налаш да куштылгын шӱлаш лиеш.
Тыгай процедурым кажне кечын ыштыме деч вара капкыл куштылгылыкым, вий-куат ешаралтмым, ласкалыкым шижыда, шуэнрак сыраш, кӱлеш-оккӱлланат тургыжланаш огыда тӱҥал.