Калтаса ужара
+29 °С
Пылан
Все новости
Новости
2 Ӱярня 2021, 11:40

Таза лийнена да лийына

Пытартыш жапыште еҥ-влак таза илыш-койышым намияш тўҥалыныт. Тидыже куандара веле. Мутлан, шуко еҥ скандинавский ошкыл дене коштеш – тиде кидыш тоям налын ече деч посна коштмаш.

Келтей ялыште илыше ўдырамаш-влак скандинавский ошкыл дене кошташ йӧратат
Пытартыш жапыште еҥ-влак таза илыш-койышым намияш тўҥалыныт. Тидыже куандара веле. Мутлан, шуко еҥ скандинавский ошкыл дене коштеш – тиде кидыш тоям налын ече деч посна коштмаш.
Мемнан районыштат ты спорт дене кылым кучышо еҥ ятыр улыт. Урем дене кайыме годым тоя дене ошкылшо ўдырамаш-влакым чўчкыдын вашлияш лиеш.
Теве Келтей ял гычат ўдырамаш-влак скадинавский ошкыл дене коштыт. Соцсеть гыч нунын лўмыштым пален нална. Тиде Ибаева Адабия Идрисовна, Данилова Тамара Яндугановна, Михайлова Роза Александровна, Сатукова Раиса Александровна.
Уремыште игече йўштӧ гынат, нуно пырля чумыргат да ошкылыт. Маршрутышт икте – памаш велкыла, МТС пўя деке, тыште сарын ветеранже-влакын шындыме кож-влак кушкыт.
Икмыняр ий ончыч Ибаева-Ачибаева Елена Апсалиевна да Яковлева – Изибаева Людмила Михайловна кошташ тўҥалыныт. Ӱдырамаш-влак сулен налме канышыш лекме деч вара Нефтекамск ола гыч ялыш илаш кусненыт. Нуно ял мучко тоя дене кошташ тўҥалыныт. Кузе ўдырамаш-влак ойлат, тўҥалтыште нунын ўмбак ӧрын ончат ыле. А вара скандинавский ошкылын пайдалыкше нерген пален налыныт. Ындыжым нуным ужын нигӧ ок ӧр.
Нунын фотоштым ончен, таза илыш-койышым намийымаш пайдале манын каласаш лиеш.