Шуматкечын райрӱдӧ Культура пӧрт ончылно калык шуко погынен. Ояр, мотор тувыр-влакым чиен коллектив-влак погынаш тӱҥалыныт. Тальянке дене шоктеныт, марий тӱмыр йӱк шергылтын – тыге мишканмыт уна-влакым вашлийын. «
Ӱярня» пайремын толшо калыкым Мишкан район МР администрацийын вуйлатышыже П. Трапезников, Башкортостан Республикын калык келшымаш пӧртын вуйлатышыже И. Султанмуратов, «Эрвел Марий» региональ марий калык-культура автономийын вуйлатышыже В. Ялаев шокшын саламленыт.