Калтаса ужара
-3 °С
Пылан
Все новости
Новости
11 Ӱярня 2021, 11:35

Аралыше-влак – ончыко!

«Защитники, вперед!» республиканский конкурсын район этапыштыже 2 №-ан Краснохолмский кыдалаш школын командыже сеҥен4 мартыште 2 №-ан Краснохолмский кыдалаш школышто «Защитники, вперед!» республиканский конкурсын район этапше эртен. Тушто районысо 10 школ гыч 3-4 класслаште тунемше-влак участвоватленыт.

Кузе районысо образований пºлкан пашаеҥже-влак умылтареныт, «Защитники, вперед!» – тиде команде дене таҥасымаш. Таҥасымаш тӱрлӧ направлений гыч шога: корнышто лӱдыкшыдымылык деч посна коштмаш, робототехнике, ориентирований, экологий лӱдыкшыдымылык, краеведений да молат.
Конкурс саламлалтмаш гыч тӱҥалын. Тыште кажне команде шкеж нерген каласкален. Вара участник-влак 8 этапым эртеныт: «Препятствий полосам эртымаш», «Ориентирований», «Краеведений», «Экологий лӱдыкшыдымылык», «Робототехнике», «Корнышто лӱдыкшыдымын коштмаш», «Капитан-влак конкурс», «Наставник-влак конкурс».
Чыла этапым эртымеке, икымше верым «Русичи» команде (2 №-ан Краснохолмский КШ) сеҥен налын, кокымшо вер – «Защитники белых халатов» (1 №-ан Калтаса КШ), кумшо – «Патриоты» (2 №-ан Калтаса КШ), «Прорыв» (3 №-ан Краснохолмский КШ) да «Здоровята» (Киябак тичмаш огыл КШ).
Зона таҥасымаште, тудо Нефтекамск олаште эрташ тӱҥалеш, мемнан районын чапшым 2 №-ан Краснохолмский КШ-ын командыже аралаш тӱҥалеш.
С. Аркадьева.