Айдеме да закон

Тыгай тӧрлатымашым Россий Федерацийын Уголовный Кодексышкыже Россий МВД пуртен, увертара «Коммерсант» газет.

РФ УК-ын 264.1 статьяшкыже «Нарушение правил дорожного движения лицом, подвергнутым административному наказанию» вашталтыш-влакым пуртымо. Гражданиным ончычат тиде статья дене эрык деч посна коденыт улмаш гын, тудлан 500 тӱжем теҥге штрафым тӱлыкташ ыштен кертыт. Тиддеч посна кум ий эрык деч посна коден кертыт.

Кызыт руль воктеке йӱшӧ вуя шичше водительлан 100-300 тӱжем теҥге штрафым тӱлыман але кок ийлан эрык деч посна коден кертыт.

Документлан умылтарымаш запискыште тыгай мера-влак йӱшӧ водитель-влакым огыт чаре, манын палемдыме. «Кеч-могай вашталтыш-влакым пуртет гынат, йӱшӧ вуя руль воктеке шичше водитель-влак огыт шагалем», – палемдат вашталтышын авторжо-влак.

Кузе «Коммерстант» увертара, Генеральный прокуратурышто, Верховный судышто, Следственный комитетыште, президентын государственно-правовой управленийыштыже тиде вашталтыш-влак дене келшеныт.

«Башинформ» ИА.