Школысо эн сай шеф-повар

Чыла конкурсым иктешлымеке, 2 №-ан Краснохолмский кыдалаш школ гыч повар Инзиля Хазиуловна Абралова сеҥышыш лектын

Кажне кечын лым лийде тыршыше повар-влакын пашаштым ончыкташ манын, Башкортостан Республике Калтаса район муниципаль район администрацийын образований пєлкаже «Школысо эн сай шеф-повар» конкурсым увертарен. Тудо тыгак самырык-влаклан профессийым ойырен налаш полшаш манын ышталтын. Тачысе кечылан тыгай паша профессий-влак тўҥ шотышто кумдан йодылтыт.

Мероприятийын организаторжо-влак ты конкурсым молан эртараш лийыныт? Тыге нуно школлаште повар-влакын пашаштым ончыктынешт, школышто пукшымылан аклымашым пуынешт, ончыкылык усталык дене палдарымаш да производственный пашаш рациональный прием ден метод-влакым шыҥдараш, материальный да энергетический ресурс-влакым аныклымаш, пашаеҥ-влакын квалификацийыштым кўкшемдаш, кочкышым шолтымаште кўкшє квалификациян да компетентный специалист-влакым пален налаш манын ыштеныт.

«Школысо эн сай шеф-повар» конкурсышто районысо вич школ участвоватлен: Егорова Алена Ильинична – 1 №-ан Калтаса кыдалаш школ; Янсубаева Наталья Валерьевна – 2 №-ан Калтаса кыдалаш школ; Ясавиева Розалия Расимовна – 1 №-ан Краснохолмский кыдалаш школ; Абралова Инзиля Хазиуловна – 2 №-ан Краснохолмский кыдалаш школ; Гайфуллина Гульнара Халимьяновна – 3 №-ан Краснохолмский КШ.

Конкурс ныл этап гыч шоген. Тиде поро йўлашке пурышо визитке – тўҥалтыште участнице-влак шкешт нерген ойленыт, молан лач ты профессийым ойырен налмышт нерген каласкаленыт. Тестирований – тудо теоретический ямдылалтме кўкшытым ончыктен. Школ рационыш пурышо кочкышым ямдылымаш – тиде практикум. Мӧ‰ҥгысӧ заданий – конкурсантке-влак шкеныштын фирменный кочкышыштым ямдыленыт: десертым кўктеныт да тудым ямдылыме рецептышт нерген ойленыт.

Жюри нунын пашаштым аклен. А тудын составышкыже предпринимательстве, инвестиций да экономике шотышто район администраций вуйлатышын алмаштышыже Гайнцева Анна Владимировна, райсоветын депутатше Насретдинов Ринат Газнавиевич, районысо общественный советын вуйлатышыже Лиховских Надежда Евгеньевна, районысо образований пӧлкан технологшо Ибаева Валентина Леонидовна да 2 №-ан Краснохолмский кыдалаш школын ача-ава комитет вуйлатыше Петров Павел Тимурович пуреныт.

Конкурсым эртарыме условий дене эртарыме практический заданий-влак гыч конкурсантке-влакын мастарлыкыштым, нунын квалификацийыштым, технологийым текшырымым, паша охране шотышто правил-влакым шуктымым, ўзгар-влакым моштен пайдаланымым аклыме.

Конкурсын участникше-влак тыгак продукт-влакын питательный свойствыштым арален, санитар-гигиена условийым текшырен кочкышым ямдылыме технологийым да рецептурым палымыштым ончыктеныт.

Чыла конкурсым иктешлымеке, «Школысо эн сай шеф-повар» лўмым 2 №-ан Краснохолмский кыдалаш школын поварже Инзиля Хазиуловна Абраловалан пуымо. Почетан кокымшо вер 2 №-ан Калтаса кыдалаш школ гыч Янсубаева Наталья Валерьевналан пуалтын, тудо «Эрудит» номинацийыште сеҥен. Кумшо вер – 1 №-ан Краснохолмский кыдалаш школ гыч повар Ясавиева Розалия Расимовналан, «Весела повар» номинацийыште сеҥен. Нылымше вер – 1 №-ан Калтаса кыдалаш школы гыч повар Егорова Алена Ильиничналан, «Мисс Элегантность» номинаций дене палемдалтын. Визымше вер – 3 №-ан Краснохолмский кыдалаш школ гыч Гайфуллина Гульнара Халимьяновналан, «Правильное питание» номинацийыште сеҥен.

Конкурсантке-влакым Диплом да шергакан пӧлек-влак дене палемденыт. А эн шергаканже ты мероприятийыште, кузе палемден образований пӧлка вуйлатыше Эльвира Рашитовна Гарипова, тиде мутланымаш да усталык дене палдарымаш.

Вет ик паша – пеҥгыдемдыме меню почеш кочкышым ямдылымаш, а йӧршеш весе – тудым ямдылыме шотышто вес йєным ончыктымаш, тидын годым тудын тамлым шолтыман да моштен сӧрастарыман.

Конкурсантке-влакым саламлышыла, «Икоян Россий» партийын верысе пӧлкажын исполнительный секретарьже Зоя Валеевна Максимова акрет годсо калык мутым ушештарен: «Поро повар доктор гай улеш».

Тиде чынжымак тыге. Айдемын пукшымашыж гыч тудын тазалыкше, кумылжо, пашам ыштымыже шога. Сандене ты мероприятийым умбакыжат эртараш кўлеш да тудо поро йўлашкак пура манын, ўшаныме шуэш.

Н. Сандалова.