Ӱдаш ямдылалтына

Погынымашке ялозанлык предприятий, кресаньык-фермер вуйлатыше, Калтаса ИКЦ-ын пашаеҥже-влак ўжылтыныт. Шошым ўдымӧ план да тудлан ямдылалтме паша нерген ялозанлык шотышто район администраций вуйлатышын алмаштышыже Альфит Хамидуллин каласкален. Ялозанлык предприятий да КФО вуйлатыше-влак шкеныштыным ешарен да шке озанлыкышт могай пашам шуктымо нерген кўчыкын ойленыт.

Погынымаште тыгак районысо озанлык-влак ялозанлык сату производитель-влаклан кугыжаныш полышым ончыктымо тўрлӧ программе, производственный пашалан кучылтмо оксам субсидироватлымаш, лизинг закупко дене технике паркым уэмдымаш, урлыкашын качествыже, элитный урлыкашым налме нерген йодыш-влакым каҥашеныт.

Тыште эше перерабатыватлыше производство-влакын пашаеҥышт выступатленыт: «Олеокемикс» ООО вуйлатыше Руслан Саматов да «Камский бекон» шыл комбинат «Элитмит» ООО вуйлатыше Гульнара Резяпова. Икымшыже озанлык-влаклан рапсым ончен кушташ шўден. Тудым перерабатыватлыме предприятийым кызыт Аскин районышто чоҥат. Гульнара Резяпова озанлык вуйлатыше-влаклан шыл комбинатын ушкал шылым налме условий нерген ойлен.

Ю. Шамсутдинов.