Кушкыл эмла

Пареҥгым диетын составышкыже пеш шуэн пуртат, молан манаш гын, утыжым пайдале пакчасаскалан огыт шотло. Туге гынат американ специалист-влак тудым кажне кечын кочкаш темлат.

Кечеш икмыняр порций пареҥгым кочкаш гын, уто нелытым погыде кугу давлений деч утлаш лиеш, маныт нуно. Пытартыш шымлымашым эртарымышт годым уто нелыт да кугу давлений дене орланыше 18 еҥлан ик тылзе жапыште кечеш 2 гана 6-8 пареҥге дене кочкаш темленыт. Тыге вӱргорно давленийын диастолический показательже кокла шот дене 4,3 процентлан, а систолическийже 3,5 процентлан волен. Тӱҥжӧ – могай пареҥгым кочкаш! Пашаже теве кушто: чот шокшо дене обрабатыватлыме пареҥге пайдале ушалтмашыже-влакым йомдара, да ты паксасаскаште коя, минеральный вещества да крахмал гына кодыт. А шымлымаш годым микроволновкеш кӱктымӧ пареҥгым кочкаш темлыме. Мут толмашеш, ты пакчасаскам жаритлаш огыл, ӱй да соус деч посна кочкаш гын, улыжат 110 калорийым гына погет.