Калтаса ужара
+29 °С
Пылан
Все новости
Новости
20 Сентябрьыште 2021, 17:20

Софья Бикмурзина: – Мый ласкалык, тыныслык, икшыве да уныка-влакын пиалышт верч йӱклышым

Ленин орденын да Паша Йошкар Знамя кок орденын кавалерже Софья Шамшиевна 2203 №-ан сайлымаш участкыште йӱклен.

Софья Бикмурзина: – Мый ласкалык, тыныслык, икшыве да уныка-влакын пиалышт верч йӱклышым
Софья Бикмурзина: – Мый ласкалык, тыныслык, икшыве да уныка-влакын пиалышт верч йӱклышым

– Мый ласкалык, тыныслык, икшыве, уныка-влакын да шкенан районнан пиалан ончыкылык илышыж верч шке йӱкемым пуышым, – каласыш Софья Шамшиевна сайлымаш комиссийын членже-влаклан да тудын йӱклымыж годым лийше СМИ пашаеҥлан.

Илалше улеш гынат, Софья Шамшиевна сайлымаш участкышке шке толын.

– Ончыкыжымат, Юмо пӱрен гын, сайлымаште эре участвоватлаш тӱҥалам, – ойла Софья Бикмурзина. – Вет мемнам жапыштыже тыге туныктеныт. Шке да эл ончылно мутым кучаш. Сайлымаште участвоватлен гына ме шкенан илышнам сай велыш вашталтен кертына.

Ушештарена, Софья Шамшиевна ожсо жаплан кумдан палыме доярке, пашам тыршен ыштымыжлан Ленин орден, Паша Йошкар Знамя кок орден да моло кӱкшӧ правительственный награде   дене палемдалтын. Тудо Башкир АССР-ын сулло вольык ончышыжо. 70-ше, 80-ше ийлаште тудын паша подвигше нерген «Труд» да «Правда» газетлаште возеныт. Тудым лӱмжӧ республике прессын лаштыклаштыже ч¢чкыдын ушештаралтын.

Софья Шамшиевнан илыш корныжат куштылго лийын огыл. Кенет ешын озаже Петр ош тӱня дене чеверласен. 45 ияш ӱдырымаш 9 икшыве дене шкет кодын. Туге гынат, чолга Софья чыла чытен, икшыве-влакым йол ӱмбаке шогалташ, образований пуаш манын чыла ыштен. Шкетын чылаштымат воспитатлен. Кажныжлан кӱшыл образованийым пуэн. Тидлан кӧра нуно ындыжым экономист, врач, инженер, агроном, туныктышо, финансист улыт.

2017 ийыште тудын Владислав эргыже, тудат Башкортостан Республика ялозанлыкын сулло пашаеҥже улеш, «Бикмурзин» кресаньык-фермер вуйлатыше республикылан чапланен. Тудо комбайнер-влак коклаште икымше лийын да республике вуйлатыше кид гыч «Шевроле-Нива» автомобильым налын.

Теве тыгай чапле икшыве-влакым ончен куштен Софья Шамшиевна Бикмурзина, паша деч посна тудо ава подвигым ыштен.

Автор:Алена Зайнетдинова