Тӱзатыме паша мемнан селанам вашталта

Радий Хабиров вашталтше парк нерген шке шонымашыже дене пайлалтын, тудо Уфаште илыште калыклан моткоч кӱлешан манын палемден. Тудын шонымыж почеш,Уфаште тиде парк поснак ойыртемалтеш, кушто еҥ-влак шке касыштым кумыл шуын эртарат.
- Мыйын шонымаште, Лесоводов парк, йӧршеш вашталтын – палемден тудо. - Таче тушто коштшо шуко еным ужынам. Тушто чынжымат калык шуко. Таче тушко кастене гуляяш шуко калык коштен манын, каласышт. Тиде чапле вер, Уфа  олан ойыртемалтше верже. Мыйын шонымаште, ындыжым олаште уло кушто жапым эртараш да каналташ.
Башкортостанын рудолаже гына огыл тыгай тузатыме проект дене моктанен кетеш. Калтаса районыштат тыгай вер уло, кушто калык кумыл шуын шке жапшым эртара. Тиде тазалык йолгорно. Тудым «Жильё и городская среда» нацпроектын «Формирование комфортной городской среды» федераль проектше почеш ыштыме.
2021 ийыште Калтаса районышто набережныйым тузаташ туналыныт, ты ерым тунямбал интернет-йуклымаште ойырен налыныт. 2022 ийыште йолгорным ыштеныт, волгалтареныт да памашым тузатеныт. а 2023 ийыште "Родники" памашыште спорт комплексым да йоча площадкым веранденыт, тыгак террасный она гыч корным оптеныт, икманаш, моторландареныт.
Эше тидым палемдаш кулеш, пытартыш ныл ийыште Калтаса селаште шуко вашталтыш лийын. Верысе власть чолгаен-влак дене пырля районын илышыжым саемдаш манын, шуко пашам шуктеныт.
«Формирование комфортной городской среды» проект почеш районышто Краснохолмский селаште "Молодежный" скверым да "Каныш паркым" ыштыме. подрядчик-влак ты территорийлам тузаташ шуко пашам шуктеныт. Тыгак "Каныш паркыште" фонтаным веранденыт.
Уэмдыме вер-влак калыклан моткоч келшат. Кастене тыште шуко ешым шке икшывышт, самырык да илалше ен-влакым ужаш лиеш.
Калтаса районышто йоча площадке-влакым кажне лукышто веранденыт. Тидын дене гына паша пытен огыл. Калтаса да Краснохолмский селалаште тротуат-влакым ыштеныт.
Мемнан районнан йоршеш вашталтын. Лу ий ончыч инкубаторский пуяште фонтан лиеш манын, ко шонен? Тидын дене Калтаса район территорийыште тузатыме паша ок пыте манын, моткоч ушанена.
Тузатыме паша – тиде мотор площадке ден корно-влак гына огыл, тыгак мемнан граждан-влаклан таза илыш-койышым намияш условийым ыштымаш. Ме гына пырля шке районнам сайрак ыштен кертына!
Мемнан комментарийна:
Алексей Горев, район администраций вуйлатышын икымше алмаштышыже:
– Тидын дене мемнан пашана ок пыте. Инфраструктурым саемдыме шотышто паша умбакыже шуйна. Тений ме чыла палемдыме территорийым тузаташ тыршена, ончыкылык планым палемдена. Шушаш ийын Краснохолмский зонышто тыршаш туналына. "Нефтяник" культура портын парк зоныжым тузаташ шонена. Тиде кужу жаплан шуйнышо проект. Туге гынат верысе калыкын ойыраш лийдыме ужашыже лиеш. Калтаса селаште "Родники" паркым калык дене пырля тузатыме. Районышто илыше калыклын полышыж дене ты результатыш шуымо. Сандене Краснохолмский селаште паркым тузатыме пашаштат полшаш туналыт манын ушанена. Тиде мемнан ончыклыкна, ме гына районнам сайрак ыштен кертына.
Олеся Айгильдина